Pas dy dështimeve radhazi, NASA ia ka dalë të lëshojë raketën e saj “Artemis 1” drejt Hënës nga Qendra Hapësinore Kennedy në Florida.
“E treta e vërteta” duhet thënë, pasi këtë herë fati ishte me NASA-n për raketën që agjencia hapësinore po përpiqet ta lëshonte në hapësirë që nga gushti.
Raketa u lëshua rreth orës 1:47 të mëngjesit të 16 nëntorit, ndërsa zyrtarët e NASA-s thanë se ky mision është i rëndësishëm për njerëzimin pasi synon të kthejë njerëzit në Hënë.
Kjo është hera e parë që NASA ka lëshuar një raketë të tillë në dekada. “Artemis I” nuk është një mision me ekuipazh, por duhet të rrotullohet rreth Hënës për të testuar tre komponentë kryesorë.
Këto janë Sistemi i Nisjes Hapësinore të NASA-s (SLS), anija e saj kozmike Orion dhe Moduli i Shërbimit Evropian (ESM).
Anija kozmike Orion dhe ESM duhet të arrijnë 62 milje nga sipërfaqja hënore dhe më pas të udhëtojnë 40,000 milje përtej saj.
Pasi të rrotullohet rreth anës së errët të Hënës, raketa duhet të ulet në Oqeanin Paqësor në brigjet e San Diegos.
NASA do të vëzhgojë me vëmendje misionin e “Artemis 1” ndërsa ajo largohet nga Toka, ndërsa zyrtarët shpresojnë që “Artemis 2” të transportojë njerëzit rreth Hënës në dy vitet e ardhshme.
We are going.
For the first time, the @NASA_SLS rocket and @NASA_Orion fly together. #Artemis I begins a new chapter in human lunar exploration. pic.twitter.com/vmC64Qgft9
— NASA (@NASA) November 16, 2022
Misioni është duke u përgattitur së bashku me “Artemis 3”, që synon të transportojë gruan e parë dhe personin e parë me ngjyrë në sipërfaqen hënore.
Nasa thotë se tani ka filluar “një kapitull të ri në eksplorimin njerëzor hënor”. Sapo misionet Artemis t’i çojnë njerëzit në Hënë, shpresohet se ne do të jemi në gjendje të arrijmë Marsin.
