Një shqiptar ka qëlluar me armë zjarri të dashurën në Itali dhe më pas është vetëvrarë.
Ngjarja ka ndodhur në një banesë në Cassano delle Murge, një komunë rreth 30 kilometra larg Barit. 20-vjeçari shqiptar është gjetur i vdekur në shtëpinë ku jetonte me të dashurën e tij 18-vjeçare, me origjinë nga Maroku. Kjo e fundit u gjet e plagosur rëndë.
Sipas karabinierëve, shqiptari ka qëlluar partneren me pistoletë në gjoks dhe më pas me të njëjtën armë kreu vetëvrasje. Vajza është transportuar në spital në gjendje shumë të rëndë.
Identitetet e viktimës dhe vajzës së plagosur nuk bëhen me dije nga raportimet e mediave italiane.
