Policia italiane ka arrestuar 10 persona në kuadër të goditjes së një grupi kriminal në Firence që merrej me trafikun ndërkombëtar të drogës.
Sipas mediave vendase të arrestuarit bashkëpunonin me njëri-tjetrin për të bërë të mundur transportin dhe shitjen e lëndëve narkotike.
8 prej tyre përfunduan në burg, ndërsa dy të tjerë në arrest shtëpie, ku mes tyre janë shqiptarë, rumunë dhe afrikano-veriorë.
Deri më tani janë sekuestruar mbi 4.5 kilogramë kokainë, 30 kilogramë marijuanë dhe 110 kg kanabis, raportojnë mediat lokale.
Me bazën e saj operative në Prato, organizata kriminale kishte dërguar edhe sasi të mëdha lëndësh narkotike në territorin e Firences për t’i rishitur më pas në të gjithë territorin kombëtar.
