Kreu i PD-së, Sali Berisha, në një komunikim për mediat, foli për buxhetin e vitit 2023.
Berisha thotë se opozita duhet të përgatisë amendamentet për të mbrotur interesat e shqiptarëve. Ai shton se çdo gjë duhet të lexohet me vëmendjen më të madhe dhe të kundërshtohet, pasi nëse nuk ndodh kjo i shkon në ndihmë Ramës.
“Sigurisht ky është një proces që lidhet me largimin e Edi Ramës si armik i betuar i votës së shqiptarëve.
Në diskutimet për buxhetin, duhet të përgatisim amendamentet, duhet të mbrojmë fuqishëm interesat e qytetarëve, interesat e biznesit, të denoncojmë çdo projektim të buxhetit për oligarkët, të lexohet me vëmendjen më të madhe dhe të kundërshtohet, sepse gjithçka është ndihmë për pushtetin e krimit të Edi Ramës.”– tha Berisha.
