Një 55-vjeçar i identifikuar si Astrit Terolli është arrestuar nga policia, pasi akuzohet se ka abuzuar seksualisht me një vajze 12-vjeçare, në Tiranë.
Familjarë të vajzës së mitur kanë denoncuar në komisariatin nr.3 në Tiranë, abuzimin seksual ndaj të bijës. Ajo çfarë e bën më të rëndë aktin është se i arrestuari Astrit Terolli është shok i babait të vajzës së mitur. Të dy familjet jetonin me qera në Tiranë.
“Specialistët për Hetimin e Krimeve të Komisariatit të Policisë Nr. 3 arrestuan në flagrancë shtetasin A. T., 55 vjeç, banues në Tiranë, pasi dyshohet se ka kryer marrëdhënie seksuale me dhunë me një shtetase të mitur”, thuhet në njoftimin e policisë.
- Si ndodhi ngjarja?
55-vjeçari ka shkuar për vizitë në shtëpinë e shokut por ka gjetur vetëm vajzën në banesë, me të cilën dyshohet se ka kryer marrëdhënie seksuale me forcë.
Dy familjet janë të komunitetit rom nga Saranda por jetojnë me qira në Tiranë. Sot në drekë, ekspertiza vërtetoi se vajza është e defloruar, duke vërtetuar aktin seksual.
Prokuroria vijon hetimet për rastin e rëndë të ndodhur në kryeqytet.
