Konizma e kishës së Shën Sotirit në bulevardin Republika të qytetit të Korçës janë vjedhur sërish nga maskat.
Ngjarja ka ndodhur në orët e para të mëngjesit të sotëm dhe mendohet se kanë qenë më e pakta dy persona që kanë kryer vjedhjen.
Sipas policisë persona ende të pa identifikuar kanë hapur me forcë arkën e dhurimeve financiare.
Policia ka sekuestruar pamjet e një prej kamerave të bizneseve ngjitur me Konizmën e kishës, ashtu siç ka sekuestruar pamjet e kamerave të sigurisë të bizneseve të tjera përreth si dhe të Zyrës Rajonale të Punësimit që ndodhet përballë vendit të ngjarjes.
Nga ana e Mitropolisë së Korçës bëhet me dije se është e disata herë që ky objekt kulti grabitet nga persona të ndryshëm dhe vetëm një herë policia ka shkuar tek autorët e grabitjes.
