Kanë nisur negociatat mes kryenegociatorëve të Kosovës dhe Serbisë për gjetjen e një zgjidhjeje për çështjen e targave.
Kreu i delegacionit të Kosovës, Besnik Bislimi pritet të takohet me të dërguarin e BE për dialogun Miroslav Lajçak. Në Bruksel ndodhet edhe kryenegociatori serb Petar Petkoviç.
Takimi u kërkua nga Përfaqësuesi i Lartë i Bashkimit Evropian, Josep Borrell. Ai tha një ditë më parë se u ka propozuar palëve një zgjidhje dhe se Kosova e Serbia duhet urgjentisht të gjejnë një zgjidhje për të ulur tensionet.
