Një shtetas shqiptar 40-vjeçar, i quajtur “tullac”, është arrestuar nga policia italiane teksa po përpiqej të arratisej drejt Shqipërisë.
Sipas Ansa, ndaj tij rëndon një urdhër arresti me burg për ndihmë dhe shfrytëzim prostitucioni për akte të kryera në Bolonjë në vitin 2013. Pas arrestimit, shqiptari u dërgua në burgun Coroneo.
40- vjeçari kishte rekrutuar vajza të bukura dhe tërheqëse në Shqipëri, të cilat i çonte në Itali me premtimin për një punë të qëndrueshme.
Organizata, nga ana tjetër, i detyronte të prostituonin dhe i kishte besuar “tullacit” detyrën që t’i vishte vajzat siç duhet.
Të ardhurat e prostitucionit, natyrisht, përfundonin në xhepat e tij, përgjegjës për vetë organizimin e menaxhimit të trafikut.
Megjithatë, disa vajza kishin denoncuar shfrytëzuesit e tyre, të cilët megjithatë arritën të arratiseshin, përfshirë edhe burrin e sapo arrestuar.
