Vijon të jetë në nivele të ulëta bilanci i infektimeve të reja me koronavirus në vendin tonë prej disa muajsh tashmë.
Në buletinin e 24 orëve të fundit nga Ministria e Shëndetësisë, raportohet se nga 92 testime të kryera, 5 prej tyre rezultuan pozitivë, 3 në Tiranë dhe 2 në Mallakastër.
Janë 173 qytetarë aktivë me Covid19 në të gjithë vendin.
Aktualisht, në spitalin COVID3 po marrin trajtim 3 pacientë. Në 24 orët e fundit, nuk ka asnjë humbje jete me SarsCov2.
Janë shëruar 15 qytetarë gjatë 24 orëve të fundit, duke e çuar numrin e të shëruarve në 328,267 që nga fillimi i pandemisë.
332,034 persona janë infektuar me Covid në vend, prej të cilëve 3,594 kanë humbur jetën.
Shpërndarja gjeografike e rasteve aktive sipas qarqeve:
- Tiranë 125
- Vlorë 16
- Fier 10
- Gjirokastër 9
- Durrës 4
- Elbasan 3
- Berat 3
- Shkodër 1
- Lezhë 1
- Dibër 1
