Një 50-vjeçar shqiptar, banues në Castegnero të Vicenzës në Itali, ka ndërruar jetë teksa po bënte disa punime në një shtëpi.
Sipas mediave vendase, aksidenti ndodhi mëngjesin e sotëm rreth orës 8, ku shqiptari kishte mbërritur me një furgon dhe ishte duke shkarkuar materiale ndërtimi.
Fillimisht mendohen se kanë rënë disa materiale dhe më pas në tentativë për të ndaluar furgonin, i cili po ikte mbrapsht, është shtypur.
Ndërhyrja e ambulancës ishte në kohë, por fatkeqësisht për 50-vjeçarin nuk mund të bëhej asgjë dhe mjekët konfirmuan vdekjen e tij në vendngjarje.
Policia ndërkohë po vijon punën për zbardhjen e rrethanave dhe shkaqeve të ngjarjes ndërkohë që trupi i të ndjerit është dërguar në morgun e qytetit.
