Ditën e Diel moti parashikohet me alternime vranësirash dhe intervale kthjellimi, sipas Shërbimit Meteorologjik Ushtarak.
Reshje shiu priten në orët e mëngjes në jug dhe qendër të vendit me intensitet mesatar, ndërsa në veri me intensitet të ulët të karaktërit lokal. Gjatë ditës reshjet e shiut do të mbeten prezente me intensitet të ulët përgjatë zonave bregdetare të vendit.
Era do të fryjë nga verilindja –veriperëndimi me shpejtësi mesatare 1-8m/sek, e cila hera-herës përgjatë vijës bregdetare dhe zonave luginore fiton shpejtësi deri në 15m/sek.
Valëzimi në dete parashikohet i forcës 2-3 ballë.
