Protesta e 12 nëntorit ka mobilizuar policinë dhe Forcat Speciale.
Efektivë janë vendosur në tarracat e institucioneve përgjatë bulevardit ku po zhvillohet tubimi i opozitës. Ata janë gati të reagojnë në çfarëdolloj incidenti.
Edhe pse kreu i Partisë së Lirisë, Ilir Meta ka garantuar se kjo do të jetë një protestë demokratike dhe paqësore, kryedemokrati Sali Berisha ka parashikuar çdo skenar të mundshëm.
Meta bëri thirrje që qeveria të mos provokojë qytetarët.
Protesta nisi pak më vonë nga ora 16:00 që ishte lajmëruar. Kryeministria u blindua dhe mbi 1 mijë efektivë policie janë në terren.
