Një nga çështjet më të diskutuara së fundmi është e ardhmja e Edi Rejas. Akoma nuk është vendosur përfundimisht nëse trajneri i njohur do të vijojë të qëndrojë te kuqezinjtë apo jo, teksa vetë Reja ka dhënë një intervistë për Corriere dello Sport.
“Unë nuk i dëgjoj zërat, jam mjaft i rritur tashmë. Me Armand Dukën, presidentin e Federatës Shqiptare të Futbollit, kam një marrëdhënie thuajse miqësie. Tani janë Italia dhe Armenia, pastaj ulemi dhe flasim për vendimin përfundimtar.
Kontrata skadon në fund të nëntorit. Ne do të shohim se çfarë është më e mira për të mirën e të gjithëve. Unë as nuk dua të bëhem patetik. Nuk e di, nuk kam vendosur.
Më pëlqen, jam konsideruar nga grupi, është krijuar një marrëdhënie e mirë me lojtarët dhe kemi arritur rezultate. Ngjitja në Ligën B të Kombeve dhe aksesi në play-off për Kupën e Botës u mungua nga një ndeshje. Shqipëria nuk kishte shënuar kurrë 18 pikë në grup, ne mundëm dy herë Hungarinë e Rossit”, tha Reja.
