Një 23-vjeçar është arrestuar pasi u kap në flagrancë duke lëvizur me armë zjarri në qytetin e Vlorës.
I riu i identifikuar me inicialet R.L banues në fshatin Ramicë kishte precedentë të mëparshëm kriminal po për armëmbajtje pa leje.
“Vlorë/Shërbimet e Seksionit për Hetimin e Krimeve në Komisariatin e Policisë Vlorë organizuan dhe finalizuan operacionin policor të koduar “Disarmament”, si rezultat i të cilit u bë arrestimi në flagrancë i shtetasit:
-R. L., 23 vjeç, banues në fshatin Ramicë, për veprën penale “Mbajtja pa leje dhe prodhimi i armëve, armëve shpërthyese dhe i municionit”. Ky shtetas është me precedent të mëparshëm kriminal për armëmbajtje pa leje. Pas lokalizimit të 23-vjeçarit, në lagjen “29 Nëntori”, Vlorë është bërë e mundur prangosja e tij”, njofton policia.
Gjatë kontrollit fizik, 23-vjeçarit iu gjetën një armë zjarri automatik dhe një krehër me fishekë, të cilat u sekuestruan në cilësinë e provës materiale.
