Një aksident i rëndë ka ndodhur në mesnatë në Prishtinë të Kosovës.
Tetë persona kanë mbetur të plagosur gjatë përplasjes së frikshme të dy makinave të cilat janë shkatërruar plotësisht. Policia bën të ditur se të gjithë personat e lënduar janë transportuar me urgjencë në spital, për të marrë ndihmën e duhur mjekësore.
Përplasja e fuqishme ka ndodhur në kryqëzimin tek rrugët “Eqrem Qabej” dhe “Agim Ramadani” dhe janë përfshirë dy vetura, njëra e tipit Audi A3.
“Rreth orës 02:00, është pranuar informata për një aksident trafiku rrugor të ndodhur në udhëkryqin që lidhë rrugët ‘Eqrem Çabej’ dhe ‘Agim Ramadani’. Në aksident janë përfshirë dy automjete, ku tetë persona kanë pësuar lëndime trupore. Të njëjtit janë dërguar në QKUK për trajtimin e nevojshëm mjekësor”, njofton Policia e Kosovës.
