Një skemë e rë është raportuar se përdoret nga emigrantët shqiptarë për të shkuar në Mbretëri të Bashkuar, pa u kapur nga autoritetet britanike.
Mediat e huaja shkruajnë, se shqiptarët po paguajnë mijëra paund për t’u paraqitur si shoferët e dytë në kamionët që dërgojnë mallra për Krishtlindje në Mbretërinë e Bashkuar.
Ata janë joshuar nga reklamat që postohen në Tik Tok, paketa e së cilës shkon deri në 18,000 paund.
Një video në aplikacionin e mediave sociale thotë: “Çdo ditë ne ofrojmë një udhëtim si shofer i dytë. Udhëtimi ynë i fundit ishte i suksesshëm. 18 mijë £ për një kamion në MB. Kushdo që është tani në Belgjikë ose Francë duhet të kontaktojë.”
“Hej shqiptar pas tre ditësh kemi udhëtuar me kamion si shofer kamioni i dytë. 18,000 £. Kalim i sigurt”, thotë një tjetër, sipas The Telegraph.
Metoda më e shtrenjtë është një mënyrë më pak e rrezikshme për të kaluar mbi Kanal në krahasim me kalimet e rrezikshme me varka të vogla ose fshehja midis ngarkesave. Pavarësisht rrezikut dhe përpjekjeve të vonuara deri më tani të Britanisë për të kërcënuar deportimin në Ruandë, pothuajse 40,000 njerëz kanë kaluar deri tani në Kanal.
Mendohet se rreth 12 mijë prej tyre janë shqiptarë. Mbretëria e Bashkuar po përpiqet të sigurojë një marrëveshje me shtetin ballkanik për të përshpejtuar deportimet dhe për të mbështetur zhvillimin në vend në një përpjekje për të ndaluar largimin e kaq shumë njerëzve.
Qeveria është e shqetësuar se 10,000 njerëz të tjerë mund të përpiqen të kalojnë para Krishtlindjeve, gjë që do të ushtronte presion serioz mbi objektet e përpunimit të emigrantëve në Kent.
Burimi: Ibc.co.uk
