Banda “The Albanians” që “dyndi” Essex-in lindor, kryesisht qytetin e Basildos me drogë është shkatërruar nga policia angleze.
Katër persona u arrestuan, 29-vjeçari Mario Tsorri, 27-vjeçari Klodjan Doci, 23-vjeçari Alfonc Palaj dhe 31-vjeçari Dennis Hoj.
Tsorri nga Norwood End, Basildon akuzohet për furnizim dhe kokainë dhe kanabis, posedimin e një arme të ndaluar dhe posedimin e municioneve pa certifikatë armë zjarri.
Palaj nga Norwood End akuzohet se ishte përgjegjës për furnizimin me kokainë, kanabis dhe posedim të pasurisë kriminale.
Hoj nga Norwood End, ishte përgjegjës për furnizimin me kokainë dhe kanabis.
Doci nga Courtney Park Road, Langdon Hills, u deklarua fajtor për furnizim me kokainë, kanabis dhe posedim të pasurisë kriminale.
Në shtator Doci u burgos për tre vjet e tre muaj ndërsa Hoj u dënua me tre vjet e pesë muaj.
Të martën e kësaj jave (8 nëntor), Tsorri u dënua me gjithsej 11 vjet e katër muaj burg, ndërsa Palaj u dënua me pesë vjet e 10 muaj.
Janë sekuestruar një armë zjarri, 9000 paund, 1.4 kilogram kokainë dhe 22 kilogram kanabis, me një vlerë të kombinuar prej 200.000 paund.
