Detaje të reja janë zbardhur nga ngjarja e ndodhur në ambientet e Poliklinikës së Divjakës, ku mbetën të plagosur nga goditja me thikë kryebashkiaku Fredi Kokoneshi dhe shoferi i tij Gazmir Bullari.
Mësohet se autori i plagosjes Orges Xhelili, i cili tashmë ndodhet pas hekurave ka pasur një konflikt të hershëm me kreun e bashkisë, pasi e bënte Kokoneshin fajtor për largimin e tij nga detyra në administratë si punonjës në sektorin e Informacionit dhe Teknologjisë.
46-vjeçari Xhelili kishte qenë për 4 vite punonjës i IT-së në Bashkinë e Divjakës dhe më pas shkarkimi i tij ishte bërë objekt debati.
Përplasja mes Xhelilit dhe Kokoneshit ishte thelluar kur bashkëshortja e autorit, që punonte si shefe infermiere pranë Poliklinikës së Divjakës, u transferua në një pozicion tjetër.