Debati i bërë në parlament për projektin e Portit të Durrësit ishte një nga pyetjet kryesore që gazetarët i bënë kryeministrit Rama pas mbledhjes së kryesisë së PS-së.
E konsideruar si marrëveshje që më shumë kënaq palën që do të ndërtojë dhe Shqipërisë i jep thërrime, projekti solli debate të ashpra, por ai është futur për diskutim në mënyrë të përshpejtuar. Kryeministri Rama ka mbrojtur tezën se ky projekt do t’i shërbejë shqiptarëve dhe do të hapë vende të shumta pune, ndryshe nga opozita që e akuzon atë se po fal një pjesë të mirë të bregdetit durrsakt.
“Nuk kemi miratuar asgjë. Kemi futur për diskutim me procedurë të përshpejtuar një marrëveshje strategjike që është e mirë për ty, për familjen tënde, për të gjithë ju që jeni brez i ri. Nuk është problemi i një investimi 2 miliardësh, por transformon përgjithmon imazhin dhe industrinë ton që është turizmi. Si mundet , ndërkohë që të gjithë këto pyetje, çfarë do përfitojnë shqiptarët, Durrësi, çfarë çfarë çfarë, janë legjitime, i përkasin diskutimit që do të bëhet. Ka kohë që negociohet. Është bërë negociata më e gjatë. Investim ku shteti nuk ka dhënë, por ka marrë njëkohësisht 33% të aksioneve. I ngjashëm me një model të ngjashëm, bëhet në vijën ujore të Beogradit, Ka sjellë iimpakt të jashtëzakonshëm në ekonominë e Beogradit dhe ne kemi marrë 1% më shumë aksione se kanë marrë ata. Janë muhabete që bëhen te gabi”, tha Rama.
Ndërkohë, nuk iu përgjigj pyetjes se sa taksa po u falen përfituesve.
“Ngritja e këtyre akuzave, derdhja e një lumi është turp i madh Marrëveshja është nënshkruar publikisht. Në kuvendin e Sjqipërisë, marrëveshja do të ratifikohet dhe do të ketë kohë për diskutime. Është futur në procedurë të përshpejtuar për ta mbyllur dhe për t’i hapur rrugë ndërtimit. Investimi më i madh në Shqipëri, e fut atë si një aktor kryesor në turizmin e Mesdheut . Po kujt ti flasësh non gratës, apo atyre që i shkojën atij pas. Non gratës që vjedh paratë ruse”, tha Rama.
