Partizani do të luajë ditën e hënë ndaj Bylisit, në stadiumin e ri në orën 16:00, nën dritën e prozhektorëve, takim i vlefshëm për javën e 12-të në Kategorinë Superiore.
Klubi i kuq me anë të një postimi në profilin e saj të rrjetit social “Facebook” ka bërë me dije se kur do të luhet ky takim dhe vendin e saktë.
Ajo që tërhoqi vëmendjen e të gjithëve është se nuk janë dhënë detaje sesi do të jetë procesi i hyrjes në stadium me bileta ose jo dhe nëse po sesa do të kushtojnë.
Në profilin zyrtar të Partizanit, tifozët kanë komentuar dhe janë disi të pakënaqur për faktin që zhvillohet ditë jave, atë të hënë.
