Majk, ka pak ditë që ka publikuar bashkëpunimin e tij më të ri me Bardhin të titulluar “Përgjithmonë”.
Në 10 ditë pas publikimit, kënga ka marrë mbi tre milionë klikime në kanalin YouTube. Ka qenë vet Majk ai i cili së fundmi ka vendosur të dëshmojë transparencën e këtyre klikimeve përmes një postimi në Instagram.
Ai ka publikuar në InstaStory një pamje të statistikave, të cilat dëshmojnë se përqindja më e madhe e klikimeve vjen nga zonat e banuara me shqiptarë.E në mbishkrimin e fotografisë, ai pati një thumbim të vogël për kolegët e tij nga estrada shqiptarë.“Hala në garë me këta që kanë ‘klikime reale’ prej Ugandës, prej Uzbekistanit, Pakistanit, Indonezisë e ku ta di”, ka shkruar Majk në mbishkrimin e fotografisë.
Kjo ironi e tij vjen në sajë të dyshimeve të vazhdueshme që hedhen mbi shifrat marramendëse të klikimeve që estrada shqiptare merr në këngët e tyre në YouTube, për vërtetësinë e tyre.
