Donald Trump duket se nuk e ka pritur aspak mirë rezultatin e zgjedhjeve afatmesme për Kongresin dhe Senatin, ku kandidatët konservatorë të mbështetur prej tij kanë humbur në qendrat më të mëdha.
Disfata në Pensilvani ku turko-amerikani Dr. Mehmet Oz, i cili njihet si një njeri i afërt edhe me Presidentin turk Rexhep Taip Erdogan humbi turpshëm zgjedhjet për senatin përballë demokratit John Fetterman, i ka lënë shije të hidhur Trump.
Disfata e ka nervozuar atë aq sa ish-Presidenti kontrovers ka filluar të fajësojë gruan e tij Melania pasi ajo e këshilloi atë të mbështeste Dr. Oz.
Sipas reporteres së njohur politike të New York Times, Maggie Haberman humbja ka qenë aq poshtëruese sa Trump tani po i kërkohet të riplanifikojë planin e tij të shpalljen e fushatës së tij për zgjedhjet Presidenciale 2024.
“Trump është me të vërtetë i zemëruar këtë mëngjes, veçanërisht për Mehmet Oz, dhe po fajëson të gjithë ata që e këshilluan të mbështeste Ozin – përfshirë gruan e tij, duke e përshkruar atë si vendimin e saj jo më të mirë, sipas njerëzve të afërt”, tha Haberman.
Trump ishte “i nxehur” dhe “u bërtiste të gjithëve” të mërkurën pasi republikanët nuk arritën të shkaktonin një “cunam të kuq” në zgjedhjet e mesme, i tha një këshilltar i paidentifikuar prezantuesit të CNN, Jim Acosta.
Joe Biden ka pretenduar shfajësimin një ditë pas zgjedhjeve të mesmandatit, duke thënë se demokratët kishin “një natë të fortë” dhe se ai planifikoi të ndryshonte asgjë në lidhje me qasjen e tij pavarësisht se do të përballej me gjasat e një qeverisjeje të ndarë në kryeqytetin e vendit.
“Jam i përgatitur të punoj me kolegët e mi republikanë. Populli amerikan e ka bërë të qartë se pret që republikanët të punojnë gjithashtu me mua”, tha zoti Biden gjatë një konference për shtyp paszgjedhore.
