Reperi Saman Yasin është dënuar me vdekje pasi protestoi kundër regjimit Mullah në Iran, për shkak dhe të vdekjes së vajzës 22-vjeçare Mahsa Amini.
Reperi 27-vjeçar u arrestua në fillim të tetorit në një demonstratë në Teheran dhe tani është dënuar me vdekje. Sipas organizatave të të drejtave të njeriut, akuza ndaj tij është “luftë kundër Zotit”.
Në ligjin islamik, kjo i referohet edhe protestave kundër autoriteteve. Sipas shifrave zyrtare, më shumë se 1000 persona janë akuzuar që nga shpërthimi i protestave mbarëkombëtare në Iran.
Një burim anonim tha për mediat kundër regjimit se familja e Samanit ishte kërcënuar të mos flisnin për dënimin e tij me vdekje. Është e paqartë se kur do të ekzekutohet reperi.
