Nëntë persona, midis tyre tetë fëmijë kanë ndërruar jetë në mënyre tragjike, kur flakët e zjarrit përfshinë apartamentin po jetonin në provincën veriperëndimore turke të Bursës.
Tragjedia ndodhi mbrëmjen e së martës, 8 nëntor, por shkaku i zjarrit nuk është ende i qartë.
Sipas policisë viktimat janë nëna, gjashtë fëmijët e saj dhe dy nipërit e saj, të cilët jetonin përkohësisht në apartamentin që u shkrumbua nga zjarri.
Mësohet se viktimat janë refugjatë sirianë dhe sipas autoriteteve ata kanë ndërruar jetë nga asfiksia për shkak të tymit nga flakët e zjarrit.
BREAKING: #BNNTurkey Reports
At least nine people were killed in a building fire in Turkey’s western province of Bursa, the majority of whom were children.
According to Bursa Governor Yakup Canbolat on Wednesday morning, eight children and a mother were among those killed. pic.twitter.com/GlKod7IVev
— Gurbaksh Singh Chahal (@gchahal) November 9, 2022
Sipas mediave turke babai i gjashtë fëmijëve ishte jashtë apartamentit në momentin e zjarrit, por ai u lëndua ndërsa përpiqej të shpëtonte fëmijët dhe bashkëshorten.
Kryebashkiaku i Bursës, Alinur Akta tha për mediat se fëmijët që vdiqën nga zjarri ishin nga mosha një deri në njëmbëdhjetë vjeç.
“Ata ndoshta ishin duke fjetur në momentin e zjarrit sepse nuk janë vonuar të kuptojnë se në shtëpi kishte zjarr. Shumica prej tyre u gjetën në krevat”, tha ai.
