Turqia ka filluar të paguajë një pjesë të gazit natyror që importon nga Rusia në rubla.
Ministri turk i Energjisë Fatih Domez në një intervistë për rrjetin TRT Haber, tha se në muajt në vijim do të rritet sasia e gazit natyror rus që do të paguhet në rubla.
Moska, e goditur nga sanksionet perëndimore pas pushtimit të Ukrainës po u kërkon blerësve që të paguajnë në rubla për të mbështetur monedhën ruse. Shumica e transaksioneve ndërkombëtare të energjisë bëhen në dollarë ose euro.
Turqia po përpiqet gjithashtu të nxisë tregtinë me lirën turke, e cila është dëmtuar nga politikat monetare joortodokse të udhëheqjes turke.
Ankaraja dhe Moska ranë dakord në shtator të fillojnë të paguajnë në rubla për furnizimet me gaz natyror.
