Në debatin për azilkërkuesit shqiptarë që i drejtohen Britanisë së Madhe me gomone është përfshirë edhe Princ Leka II, i cili nëpërmjet postimeve në Twitter ka kërkuar që të mos demonizohen shqiptarët që mirëpret mbi 6 milionë emigrantë.
Së fundmi Princ Leka ka dhënë një intervistë për gazetarin e njohur dhe kontrovers britanik Piers Morgan në emisionin “Uncensored”.
Gjatë kësaj interviste ai është shprehur se nuk i vlerëson aspak si qëndrime të qeverisë britanike deklaratat e sekretares së brendshme Suella Bravermen kundër emigrantëve të paligjshëm shqiptarë.
“Këtë pasdite pata një bisedë me ambasadorin britanik, i cili më konfirmoi se komentet nuk janë aspak reflektime të qeverisë britanike ndaj Shqipërisë. Shqipëria dhe Anglia kanë një marrëdhënie fantastike. Jemi në aleancë për luftën në Ukrainë. Kemi marrë emigrantë nga Afganistani. Po sulmohemi nga Irani për shkak të kampit të Manzës. Britania e Madhe ka 6 mln emigrantë, 20 mijë shqiptarë nuk mund të konsiderohen si pushtim”, tha Princ Leka.
— Piers Morgan (@piersmorgan) November 7, 2022
Ndër të tjera Princ Leka Zogu II, thotë se shqiptarëve të detyruar për tu futur ilegalisht në Angli, duhet t’i ofrohen mundësi në mënyrë që të mos bien pre e bandave kriminale.
“Shqiptarëve nuk u jepen viza. Duhet të gjejmë mënyra që shqiptarët të vijnë dhe të punojnë ligjërisht në Angli. Shumë shqiptarë e shohin Anglinë si një vend fantastik. Edhe familja ime në vitin 1939 kur Shqipëria u pushtua nga fashistët erdhi në Angli. Edhe unë u edukova atje dhe iu bashkova ushtrisë, si oficer”, deklaroi ai.
