Kryeministri i Shqipërisë ka reaguar për situatën e krijuar në Kosovë. Rama shkruan se po ndiqet me vëmendje të madhe e shqetësim të vërtetë situatën e acaruar në Kosovë dhe bashkohet me qëndrimet e aleatëve tanë strategjikë SHBA & BE.
Ai shton se e kupton Kosovën për çështjen e Komunave Serbe, por shton se duhet kërkuar një dialog i palodhur me Serbinë për të mos humbur edhe aleatët.
“Po e ndjekim me vëmendje të madhe e shqetësim të vërtetë situatën e acaruar në Kosovë dhe bashkohemi me qëndrimet e aleatëve tanë strategjikë SHBA&BE. Ndërkohë që mbështesim plotësisht idenë themelore të Planit Franko-Gjerman bëjmë thirrje për vetëpërmbajtje dhe dialog.
Autoritetet e Kosovës janë në të drejtën e tyre të kenë rezerva për Asociacionin e Komunave Serbe dhe unë e mirëkuptoj këtë! Por i mirëkuptoj edhe aleatët kur e kërkojnë këtë me “forcë”! Prandaj duhet kërkuar një dialog i palodhur me Serbinë për të mos humbur edhe aleatët”, shkruan Rama në rrjetet sociale.
Tesnsionet në veri të Kosovës janë shtuar prej disa ditësh, pas Lista Serbe vendosi të Shtunën të braktisë institucionet e Kosovës, pas vendosjes së targave të reja nga qeveria e Kosovës.
