Shtyhen për në 12 nëntor afati për dorëzimin e kandidaturave për primaret e zgjedhjeve lokale në Partinë Demokratike.
Vendimi është marrë nga Komisioni i Organizimit dhe Kontrollit të Operacioneve Elektorale (KOKOE) nga kjo parti.
“Për shtyrjen e afatit për marrjen e propozimeve për kandidatët e PDSH në Primaret për zgjedhjet vendore 2023. KOKOE shqyrtoi dokumentacionin e ardhur nga degët e PDSH. Pothuajse të gjitha degët kanë bërë kërkesë për shtyrje afati për shkak të kohës së pamjaftueshme për organizimin e mbledhjeve në çdo nivel strukture në territorin që ata mbulojnë. Duke e konsideruar këtë proces shumë të rëndësishëm, me qëllim dëgjimin e mendimeve dhe marrjen e propozimeve nga e gjithë anëtarësia e PDSH, KOKOE Vendosi: Shtyrjen e afatit për vetëkandidim dhe kandidimi për Primare në të gjitha degët deri në 12 nëntor 2022″, njofton PD.
Ndërkohë, bëhet me dije se nga ky vendim përjashtohen vetëm 16 degët e Bashkisë Tiranë.
