Ndeshjet e javës së 9 të Kategorisë së Parë janë mbyllur sot me sfidën mes Skënderbeut dhe Flamurtarit, një duel që u dha mundësinë vlonjatëve të kthehen përsëri në kreun e renditjes.
Barazimi 1-1 i mundësoi vlonjatëve që t’u bashkohen në kuotën e 18 pikëve bluve të Dinamos në vendin e parë, duke mbajtur kreun si për golavarazh më të mirë, ashtu edhe për bilancin në ndeshjen direkte pasi kanë mposhtur kryeqytetasit.
Ndërkohë, në ndjekje pas tyre në zonën e play-off për ngjitjen në Superiore janë Besa, Korabi, Skënderbeu dhe surpriza Luzi që vazhdon të sigurojë rezultate të rëndësishme.
Sa i përket zonës së ftohtë të klasifikimit, ka luftë në ndezur me ekipet e Lushnjës, Besëlidhjes, Tomorit dhe Turbinës të cilat për momentin mbajnë 4 vendet që çojnë në Kategorinë e Dytë, ndërsa Burreli dhe Apolonia janë skuadrat që i përkasin zonës së play-out për rënien.
