Shqiptarët në veri të Kosovës i janë kundërpërgjigjur protestës së Listës Serbe që ka nisur në orën 12:00 të ditës së sotme.
Kjo protest ka nisur fill pasi kryetarët e komunave me shumicë serbe dhanë dorëheqjen nga postet e tyre.
Në lagjen e Boshnjakëve në Mitrovicën e Veriut, një numër i lartë shqiptarësh kanë dalë me flamuj kuqezi në duar për të treguar se nuk kishin ndërmend të largoheshin prej vendlindjes së tyre pavarësisht tensioneve të ngritura me Serbinë për shkak të marrëveshjes së targave.
Njëri nga organizatorët e këtij aktiviteti, tha se me këtë duan të tregojnë se nuk do të largohen nga atje, raporton T7.
“I kemi vënë flamujt të tregojmë që jemi këtu dhe nuk jemi duke shkuar”, tha ai.
