Armando Broja ka qenë zëvendësues në ndeshjen e sotme mes Chelseat dhe Arsenalit në një derbi të Londrës që është gjithmonë i ndezur. Sulmuesi shqiptar u mundua që të krijonte rrezikshmëri me aftësitë e tij të jashtëzakonshme dhe ia doli në një moment me atë që padyshim ishte aksioni më spektakolar i këtij dueli.
Në minutën e 74-t të duelit, ai mori topin në krahun e majtë dhe fillimisht kaloi me lehtësi Saka, e më pas dribloi duke nxjerrë jashtë loje edhe mbrojtësin e Anglisë, Ben Uajt me një shpërthim spektakolar. As mbulimi i Partei nuk bëri punë pasi sulmuesi shqiptar ia doli që të merrte fundoren dhe të pasonte për Galager, por ky i fundit nuk arriti të gjuante në portë.
Një veprim spektakolar që u duartrokit nga tifozët e Chelsea-t të cilët në rrjete sociale kanë shtuar kërkesën pas ndeshjes që të shohin Brojën titullar në vend të Aubamejang, i cili nuk po shfaqet në nivelin e kërkuar.
