Një avion me 200 pasagjerë në bord që fluturonte nga Ishujt Kanarie në Mançester u detyrua të bënte një ulje emergjente pak kohë pasi kishte nisur fluturimin për një arsye që nuk do na e merrte mendja. Piloti njoftoi kullen e aeroportit në ishullin Gran Canaria në Spanjë se duhet të bënte një ulje pasi tualet në avion ishin bllokuar dhe ujërat e zeza kishin dalë jashtë.
Linja njoftoi pak kohë më vonë se ulja ishte e detyruar pasi për ata komoditeti i pasegjerëve është shumë i rëndësishëm dhe nuk mund të vijohej udhëtimi në ato kushte si dhe u kërkoi ndjesë pasagjerëve për vonesën e krijuar në udhëtim.
“Si një kompani ajrore fituese e çmimeve, komoditeti dhe mirëqenia e klientëve tanë është me rëndësi të madhe për ne. Kërkojmë falje nëse kjo ka shkaktuar ndonjë shqetësim”, tha një zëdhënës i Jet2 pas ndalesës së paplanifikuar në Spanjën veriore.
Avioni u ngrit nga aeroporti në ishullin Gran Canaria me një orë vonesë. Por pavarësisht shqetësimit të shtuar dhe vonesës prej më shumë se dy orësh, pasagjerët për fat të keq nuk kanë të drejtë për kompensim sipas rregullave evropiane të të drejtave të aviacionit.
