Deputeti i PL-së Petrit Vasili ka reaguar në lidhje me koncensionin e Portit të Durrësit, ku sipas tij, qeveria është peng e kësaj afere dhe bllokon në mënyrë mafioze informacionin.
Vasili thotë se ka bërë kërkesë për informacion që në datën 8 gusht, por ende nuk ka marrë asnjë përgjigje.
Ai shton se bllokimi i informacionit është një veprim mafioz që demaskon aferën e Portit të Durrësit.
Reagimi
Në një postim në FB, Vasili shkruan:
Qeveria, peng e aferës,bllokon ne menyre mafioze informacionin per Portin e Durresit!
Qe ne 8 gusht te ketij viti, plot 3 muaj me pare, i jam drejtuar zyrtarisht qeverise dhe per dijeni Edi Rames per te me informuar per Portin e Durresit.
Kerkesa zyrtare eshte detyrim absolut ligjor bazuar ne Statusin e Deputetit dhe ligjin e te drejtes per informim.
Qeveria nuk jep asnje informacion dhe nderkohe miraton per 2 miliard euro
marrëveshjen kuadër, ndërmjet Këshillit të Ministrave dhe Eagle Hills Real Estate Development, Albanian Seaports Development Company, sh.a. dhe Nshmi Development L.L.C.
Cfare pandehin keta palaço qeveritare me Edi Ramen ne krye se jane ne mallin e babait dhe mund te plaçkitin dhe te bejne çte duan pa dhene llogari per pronat strategjike te vendit.
Bllokimi i informacionit eshte nje veprim mafioz qe demaskon aferen e Portit te Durresit.
Keta palaçot e qeverise lodhen kot, sepse letrat jane sheshit.
Keta vetem sa po rendojne shume keq veten edhe individualisht perpara drejtesise, se letrat do te hapen shume shpejt dhe asgje nuk do ti shpetoje.
Ja pyetjet drejtuar Qeverise ne kerkesen time zyrtare:
1️⃣ A është dhënë statusi i investitorit strategjik?
2️⃣ Nëse po, cilës kompanie i është dhënë ky status?
3️⃣ Jeni shprehur publikisht se investitori do të jetë “Emaar Group” ndërkohë në memorandumin e firmosur nuk përmendet gjëkundi “Emaar Group” ?
4️⃣ Analiza financiare si detyrim ligjor për marrjen e statusit të investitorit strategjik nga cila kompani është paraqitur?
5️⃣ A parashikohet, që ashtu sikurse në rastin e inceneratorëve prona publike të mund të lihet kolateral në Bankat Shqiptare apo të huaja në funksion të marrjes së kredive nga kompanitë e përfshira në memorandum?
6️⃣ Cilat janë masat garantuese që Porti i Durrësit të mos sekuestrohet nga Bankat vendase apo të huaja për shkak të problemeve eventuale të kompanive huamarrëse?
7️⃣ Investimi detyron spostimin e Portit Tregtar aktual, cilat janë masat e marra që Dogana të funksionojë normalisht dhe kjo të mos ndikojë negativisht në realizimin e të ardhurave që lidhen me biznesin ashtu dhe për Buxhetin e Shtetit?
8️⃣ Cila është kosto e Portit të ri tregtar dhe sa është kohëzgjatja e realizimit të ndërtimit të këtij porti?
9️⃣ Në këtë periudhë të ndërmjetme pra të fillimit të ndërtimit të portit turistik nga njëra anë dhe Portit tregtare nga ana tjetër, ku do jetë vendodhja e funksionimit të Doganës portuale Durrës?
🔟 Ndërtimi i Portit të ri tregtar do të realizohet me fonde të buxhetit apo do kërkohet një tjetër borxh?
1️⃣1️⃣ Cili është qëndrimi zyrtar i institucioneve të Bashkimit Evropian për këtë projekt?
Kërkojmë nga ju të na vihet në dispozicion i gjithë komunikimi zyrtare me Bashkimin Europian për këtë projekt.
