Tre shqiptarë janë vënë në pranga gjatë një aksioni antidrogë të Policisë në Bruksel.
Një nga aksionet është kryer në një hotel në në Chaussée d’Anvers, ku u vunë në pranga dy shqiptarë, pasi në dhomë e parë u gjetën 1584,64 gramë kokainë, ndërsa në dhomën e dytë u gjet një qese me 38,76 gramë kokainë, së bashku me 86 pako kokainë, në total 35,75 gramë. Gjatë operracionit u gjet një peshore precize dhe material paketimi, raportojnë mediat vendase.
Aksioni i dytë u realizua në një shtëpi në Antwerp, ku u arrestua shqiptari i tretë, të cilit iu gjetën 631 gram marihuanë të paketuar dhe gati shitje, së bashku me 1.6 kilogramë kanabisi, 2525 euro cash, katër peshore precize, si dhe një çantë me qese paketimi.
