Kanë përfunduar 3 takimet e orës 14:00, në Kategorinë e Parë, të vlefshme për javën e 9-të. Tomori i Beratit është rikthyer te fitorja, teksa ka mposhtur me rezultatin 2-1 Besëlidhjan në shtëpi, duke marrë 3 pikë të arta falë dopietës së Ismailajt. Dy sfidat e tjera ato mes Lushnjës dhe Luzit si dhe Oriku-Korabi u mbyllën nuk prodhuan fitues.
Lushnjarët e trajnerit Tetova e panë veten në disavantazh të dy golave në pjesën e parë, ndërkohë që 2 penalltitë e akorduara në të dytën, të shënuara nga Canka, shpëtuan lagunarët nga humbja.
Në duelin tjetër të zhvilluar në Orikum, miqtë e Korabit kaluan të parët në avantazh me sulmuesin Keko në minutën e 28-të, teksa Deliaj vendosi baraspeshën në të 48-tën, minutat në vijim nuk prodhuan gola.
REZULTATET:
LUSHNJA-LUZI 2008 2-2
ORIKU – KORABI 1-1
TOMORI – BESËLIDHJA 2-1
