Takimi i kryeministrit Edi Rama në Tropojë këtë të Premte është ndërprerë nga një qytetar që ka thirrur “Rama ik” dhe “Rroftë Partia Demokratike”.
Rama i injoroi thirrjet e qytetarit nga mesi i sallës për disa momente, ndërsa më pas e ndali fjalën e tij për t’i kërkuar Gardës që ta nxjerrë jashtë personin në fjalë.
Për këtë ngjarje ka reaguar dhe kryetari i Partisë Demokratike Sali Berisha i cili ka publikuar videon nga momenti i ngjarjes.
‘Arrogancë dhe urrejtje shpreh në fytyrën e vrerosur! Nxjerr tjetrin jashtë se nuk i pëlqen fjala e tij!’, shkruan Berisha në Facebook.
Ndërsa Rama i ka thënë gardës: “Merreni përcilleni, të lutem tani. Këtu u ekzagjerua, merreni përcilleni, e mbarove detyrën tani shko tek foltorja, hajde ec tani”, thotë Rama dhe më pas u drejtohet truprojave: “Mbajeni se po e lëshuat bie ai, nuk ecën dot vetë. S’ka problem, është ok.”, i tha Rama truprojave.
