Në Shqipëri është zhvilluar ministeriali Bashkimi Evropian-Ballkani Perëndimor për Drejtësinë, i organizuar në kuadër të presidencës çeke të BE-së.
Komisioneri i BE-së për Drejtësinë, Didier Reynders, përmes një mesazhi në “Twitter” i konsideroi të frytshme diskutimet.
Megjithatë ai vuri në dukje se Shqipërisë i nevojitet të bëjë ende shumë punë për të konsoliduar kapacitetet e sistemit gjyqësor.
“Shqipëria ka bërë progres të mirë në reformat e saj në drejtësi, ndërkohë që nevojitet më shumë punë për të konsoliduar kapacitetet e sistemit gjyqësor, duke përfshirë edhe trajnimin e gjyqësorit”, shkruan Reynders.
