Një aksident me pasojë vdekjen ka ndodhur mesditën e së premtes në aksin rrugor Lushnje – Karbunare.
Raportohet se një automjet tip “Audi” ka dalë nga rruga dhe për pasojë është përplasur me një shtyllë elektrike. Bëhet me dije se viktima është identifikuar Edi Llupo (46 vjeç), i cili dyshohet se ka pësuar infarkt gjatë momentit kur po drejtonte automjetin.
Sipas një dëshmitari në vendngjarje viktima ka qenë në një bar kafe dhe ka shfaqur probleme me zemrën. Pak minuta përpara aksidentit ai ka telefonuar shokun duke i thëne se kishte dhimbje në pjesën e krahut dhe në zemër. Duke qenë në linjë telefoni hapur, ai është përplasur me shtyllën në anë të rrugës. Viktima është dërguar me shenja jete në spital dhe aty ka ndërruar jetë.
