Ish-kryeministri Sali Berisha ka deklaruar se ndërhyrjet ndaj SPAK, shkatërrojnë sistemin e drejtësisë. Sipas Berishës, SPAK është kthyer në një mekanizëm të kryeministrit Rama.
“SPAK është kthyer në SKAP të partisë. Është me i diskredituar se kurrë. Rama nga njëra anë bën presione të jashtëzakonshme. Po kështu, në vlerësimin tim, ndërhyrje të tjera që bëhen ndaj tij, shkatërrojnë sistemin e drejtësisë. Nuk më ke parë kurrë mua përpara gjykatësve të Kushtetueses. Nuk më takonte. Vetëm Presidenti mund të mbajë fjalim përpara tyre. Kurse në Shqipëri, fjalime mban kryeministri, jo Presidenti”, tha ai në një emision televiziv.
Berisha tha se Rama i ka liruar kriminelët, ndërkohë që shtoi se policët që kanë luftuar kundër krimit, i ka hequr nga puna.
“Unë takova sot një grup ish-efektivësh policie të cilët u hoqën nga puna. Të larguar nga policia. Unë të garantoj ty, se asgjë nuk ka patur ndikim më të madh në anëtarësimin në NATO, heqjen e vizave se sa puna e atyre njerëzve kundër krimit dhe organizatave kriminale. I liroi nga burgu një nga një Edi Rama. E ka fajin drejtësia? Drejtësia që kur nuk ndërhyhej i coi një për një me burgim të përjetshëm. Nëse merr nënën e serial killerit, dhe del përkrah në kryeministri, nuk ka skemë më mafioze. Ky është një antishtet. E keni dëgjuar betejën e sindikatës së pedagogëve. Cili është mëkati itij? Se ka punuar disa vite në SHISH. Ta kenë për nder ata që punojnë në SHISH. A ka kryeministër në botë që mund të përdorë një term të tillë”, shtoi ai.
