Një vajzë 16-vjeçare është ngacmuar nga një i ri me origjinë shqiptare, i cili ka tentuar ta prekë, në mes të ditës në Tramvaj.
“Ai më preku të pasmet dhe më pas i drejtoi duart në trupin tim në një mënyrë jonormale. Në momentin që unë tërhoqa dorën dhe bëra të iki, ai filloi të më kapi dhe unë fillova të bërtas”, ka thënë vajza.
Mediat greke kanë zbardhur dhe dëshminë e nënës në polici, e cila ka thënë “i riu filloi të fërkohej pas saj dhe kur ajo tentoi të ngrihej ai zbriti dhe e kapi nga pas. Në fakt, siç theksohet në raport, sulmi ndaj vajzës ka ndodhur brenda trenit dhe në sy të dhjetëra pasagjerëve, asnjë prej të cilëve nuk ka tentuar të reagojë. Ai mund ta tërhiqte, ta godiste dhe të tjerët të ishin thjesht spektatorë”.
Sipas njoftimit, 16-vjeçarja po kthehej nga shkolla e saj në Kallithea në mesditë dhe po shkonte për në shtëpi. Përballë saj në ndalesë ishte ulur i riu në fjalë, i cili filloi t’i prekte organet gjenitale. Për instinkt, 16-vjeçarja e ka regjistruar me celularin e saj. Pas pak, i riu u ul pranë saj. Më pas, siç ka rrëfyer ajo, duke folur me pëlqimin e nënës së saj, ka nisur makthi.
Megjithatë, duke parë që asnjë nga pasagjerët e tyre nuk kishte ndërmend ta ndihmonte, ajo vetë gjeti guximin të thërriste policinë.
“Filloi ta ngacmonte fëmijën, askush nuk e ndihmoi nga tramvaji. Më bëri përshtypje të tmerrshme. Në një moment një zonjë u hodh dhe tha “çfarë të bëjmë nëse na godet me thikë?”, ka komentuar nëna e 16-vjeçares.
Ajo shton se shkoi te shoferi për t’i treguar se çfarë ka ndodhur dhe ai i tha “nuk bëj dot gjë”, prandaj mori guximin dhe thirri vetë policinë. Përfundimisht policia ka gjetur dhe arrestuar autorin e dyshuar dhe rasti do të vihet para drejtësisë.
