Banda e Esmin Ferhatit, shqiptarit të njohur në Athinë me pseudonimin “Esko” dhe që kishte kthyer ambientet e konvikteve në kampusin universitar të “Zografou” në bazën kriminale, nga ku komandohej shpërndarja e drogës dhe organizoheshin grabitjet, vazhdon të shpërbëhet.
Pas arrestimit të 30-vjeçarit që u shoqërua edhe me plagosjen e një efektive policie dhe shoqërimit të mbi 20 prej anëtarëve të grupit, sot në Athinë është vetëdorëzuar krahu i djathtë i Ferhatit.
Shqiptari i dorëzuar së fundmi në policinë greke njihej me pseudonimin “Atzou” dhe jetonte në arrati pas goditjes të organizatës kriminale që komandonte kampusin e universitetit.
Mediat greke kanë nxjerrë informacione të reja për veprimtarinë e mafies shqiptare që vepronte në Universitetin Politeknik, me “tentakulat” e organizatës kriminale që kanë arritur edhe financimin e sulmeve me bomba, si ai në Maj 2017 kundër ish-kryeministrit, Louka Papadimou.
Sipas “To Vima”, më 15 nëntor 2018 shërbimet policore vazhduan të informonin qartë udhëheqjen e tyre për organizatat e dyshuara të të burgosurve në burgjet e Korydallos me sulme të përgjakshme në mjediset e universitetit “Zografou”.
Ky hetim nisi pasi u konstatua se një antiautoritar aktiv, i cili ishte akuzuar se kishte dërguar një paketë-bombë që plagosi Loukas Papademos në makinën e tij në rrugën Marni më 25 maj 2017, merrte shuma parash në llogarinë e tij bankare.
Konkretisht, 14 persona kanë vijuar me urdhra dhe nga burgjet e Korydallose gjetkë, për të depozituar në llogarinë e zv/kreut të ri të bandës.
Një nga këta financierë shqiptarë dyshohet se ishte ai që u arrestua si drejtuesi i “bazës” mafioz në Zografou dhe Esmin Frhati (Esko) që tentoi të plagoste me kaçavidë policen.
I dyti u arrestua në vitin 2020 për rrëmbimin e djalit të gazetarit, i cili pasi u mbajt peng brenda Universitetit Politeknik, i grabitën shtëpinë e familjes së tij. Gjithashtu, i njëjti shqiptar ishte akuzuar për bastisje në zyrat e profesorëve dhe në laboratorët e Universitetit, duke vjedhur pajisje me vlerë 200 mijë euro.
Për bandat me seli në ambientet e universitetit Zografou të cilat u çmontuan nga hetimi aktual i policisë kishte memorandume të brendshme informative me shumë faqe nga nëntori 2018 që dokumentonin veprimin e saj, pa absolutisht asnjë reagim.
Në informacionet specifike sekrete që arritën në drejtimin e policisë së asaj kohe, u regjistruan lidhjet e kriminelëve shqiptarë që vepronin në konviktin studentor me krerët e krimit në burgjet e Korydallos, të cilët ishin arrestuar si drejtues të bandave vrasëse të grabitësve me kallashnikov.
