Kreu i Aleancës për Ardhmërinë e Kosovës, Ramush Haradinaj, ka reaguar për ngjarjen e rëndë që ka ndodhur në Pejë, ku disa inferimere kanë dhunuar një të moshuar.
Në pamjet e publikuara në rrjetet sociale, shihet se si disa punonjëse të kësaj shtëpie sulmonin fizikisht një grua të moshuar e cila është dhe nëna e një dëshmori të UÇK-së.
Haradinaj shprehet i tronditur për rastin dhe bën thirrje që autorët dhe zinxhirin menaxhues i këtij krimi të dalin para drejtësisë.
“I tronditur nga rasti në Pejë, ku nëna e Dëshmorit Taulant Nura, dhunohet fizikisht nga ato që duhet të kujdesen për të. E papranueshme dhuna e shfaqur në video. I tërë zinxhiri menaxhues dhe autorët e këtij krimi, të dalin para drejtësisë. Rastet e tilla janë aq sa të dhimbshme po aq të neveritshme dhe nuk kanë vend në Kosovën tonë! Nanat, të moshuarit dhe çdo kategori e ndjeshme e shoqërisë tonë, meritojnë trajtim dhe dinjitet. Uroj që këto raste të mos përsëriten më kurrë”, shprehet Harajdini.
