Gjykata e Lartë ka refuzuar rekursin e paraqitur nga 8 shtetasit e arrestuar gjatë operacionit “Plumbi i artë”.
Rekursi në Gjykatën e Lartë u paraqit nga shtetasit, Agron Qoli, Altin Ndoci, Ardian Uzuni, Elvis Koci (Caushllari), Fatos Goga (Tos Goga), Gentian Sharra, Ilirian Feci dhe Petrit Qoli.
Ata kerkuan masa më të buta sigurie se “arresti me burg”, ndërsa në krime janë implikuar nga dëshmia e të penduarit të drejtesisë, Nuredin Dumani.
Operacioni “Plumbi i Artë” nisi pas arrestimit të Nuredin Dumanit. Ky i fundit, është një nga personazhet më të rrezikshëm në Shqipëri, i akuzuar për një seri ngjarjesh kriminale.
Pas arrestimit të Dumanit, u lëshuan 32 urdhër-arreste.
