Një person është plagosur me thikë mbrëmjen e sotme në zonën e ‘Oxhakut’, në kryeqytet.
Policia bën të ditur se M.C, 38 vjeç dhe A.I, 47 vjeç u konfliktuan me njëri-tjetrin. 47-vjeçari mbeti i plagosur me thikë pasi u godit nga M.C.
Shkak për ngjarjen ka qenë zhurma që po bënte i plagosuri teksa luante domino me një person tjetër. Pasi kanë debatuar, janë kapur fizikisht dhe pastaj autori ka nxjerr thikën dhe e ka qëlluar.
I plagosuri ka marrë një goditje në gjoks, por mësohet se është jashtë rrezikut për jetën.
Njoftimi i policisë:
Me datë 01.11.2022, te Oxhaku, si pasojë e një konflikti të çastit, shtetasi M. C., 38 vjeç, dyshohet se ka plagosur me mjet prerës thikë, shtetasin A. I., 47 vjeç, i cili ndodhet në spital, nën kujdesin e mjekëve.
Grupi hetimor nën drejtimin e Prokurorisë po punon për kapjen e autorit dhe sqarimin e rrethanave të ngjarjes.
