Një aksident fatal ka ndodhur këtë të Martë në Vlorë.
Një turiste franceze ka humbur jetën, ndërsa është plagosur bashkëshorti i saj.
“Rreth orës 15:20, në aksin rrugor Bestrov-Vlorë, automjeti me drejtues shtetasin K. D., 24 vjeç, banues në fshatin Oshtimë, Vlorë, ka aksidentuar 2 shtetas francezë (bashkëshortë), që udhëtonin me 2 biçikleta. Si pasojë e aksidentit ka ndërruar jetë shtetasja franceze V. K., 51 vjeçe, ndërsa bashkëshorti i saj shtetasi F.M., 47 vjeç, ndodhet në spitalin e Vlorës, nën kujdesin e mjekëve”, njoftoi policia.
Drejtuesi i automjetit, shtetasi K. D., u shoqërua në Komisariat, për veprime të mëtejshme, ndërsa në vendngjarje ndodhet grupi hetimor, i cili po punon për sqarimin e plotë të rrethanave të aksidentit, shtuan të njëjtat burime.
