Dinamo dhe Korabi kanë barazuar 2-2 në stadiumin e qytetit të Peshkopisë, e vlefshme për javën e 8-të në Kategorinë e Parë.
Golat u shënuan nga Denison në minutën e 35′, baraspesha erdhi nga Keko në minutën e 44′, goli i dinamovitëve erdhi me Preloshin, i cili shënoi një supergol me një veprim akrobatik nga një krosim në zonë nga goditja e këndit.
Goli i baraspeshës u realizua në minutën e 90+2′, në frymën e fundit me ish-sulmuesin e Tiranës, Mario Beshiraj.
Dinamo ndalet për të dytën herë radhazi teksa aktualisht mbetet ende në vendin e dytë në kuotën e 15 pikëve, ndërsa Korabi mban vendin e 3 me 13 pikë.
Gjithashtu në të njëjtin orar u luajt dhe Luzi-Tomori në stadiumin “Arena Egnatia”, sfidë e fituar nga ekipi i drejtuar nga Lorenc Pashja me rezultatin 2-0.
Golat për ekipin kavajas u shënuan nga Hima në minutën e 23′ dhe Ferrajt në minutën e 57′.
Luzi zhyt edhe më shumë në krizë Tomorin, me këta të fundit që kanë ndeshjen e gjashtë radhazi në kampionat pa fitore.
Me këtë sukses Luzi ngjitet në vendin e 5-të me 12 pikë, ndërsa beratasin ndodhen në vendin e parafundin në kuotën e 5 pikëve.
