Aleanca për Mbrojtje e Teatrit ka protestuar sërish para SPAK-ut duke kërkuar përgjigje për kallëzimet e bëra për godinën e Tetarit Kombëtar.
Regjisori i njohur, Edmond Budina u shpreh se Aleanca për Mbrojtjen e teatrit nuk do të dorëzohet, por do të kërkojnë drejtësi deri në fund. Budina përmendi edhe fluturimet e kryeministrit, Edi Rama me charter, ndërsa tha se këto tregues faktojnë se drejtësia në Shqipëri nuk funksionon siç duhet.
“Ne jemi të vendosur për ta çuar deri në fund sepse paligjshmëria e mafies së këtij vendi është e dukshme në çdo gjë, shtoi edhe udhëtimet me charter, inceneratorët dhe të gjitha abuzimet, tregon se drejtësia nuk funksionon. Ne nuk do tërhiqemi pavarësisht provokimeve dhe kërcënimeve. Në teatrin do ta çojmë aty ku ishte siç ishte”, tha Budina
