Policia Kantonale e Aargaut, Zvicër, ka kryer të enjten një kontroll të shpejtësisë, duke përdorur aparatin lazer.
Një BMW e serisë 5, i është matur shpejtësia prej 126 km/h, në vendin ku lejohej 80 km/h.
18-vjeçari kosovar është kontrolluar dhe raportuar në prokurorinë publike përgjegjëse, shkruan Aargauer Zeitung. Shoferi i ri nuk kishte (ende) patentë shoferi me vete, pasi kishte kaluar testin e patentës po atë ditë. Por, policia i ka hequr atij menjëherë patentën e drejtimit.
