Kryeministri Edi Rama, ka postuar ditën e sotme një foto nga Dibra, ku nuk i ka kursyer sulmet drejt opozitës.
Përmes një postimi në rrjetin e tij social fb, Rama e quan opozitën e djathta e rublave, ndërsa thekson se kjo e fundit e ka lënë Dibrën një djerrinë të braktisur.
Njoftimi i Plotë:
MIRËMËNGJES dhe nga Dibra e mrekullueshme, ku pas përhumbjes në braktisjen e gjatë deri kur nisëm së bashku përpjekjen tonë, kanë nisur të duken frytet e një pune plot mund e durim mbi djerrinën që la pas e Djathta e Rublave, duke i falenderuar mijëra njerëzit që më pritën, më dëgjuan e më thanë gjëra me mend në dy ditët e kaluara së bashku, nga Bulqiza, në Mat, Klos e Peshkopi, ju uroj të gjithëve një të diel të bukur.
