Shpëtim Duro nuk e ka fshehur kurrë që është një tifoz i Partizanit, por sa herë që sheh të kuqtë përballë si kundërshtarë, skuadrat e tij bëjnë ndeshje të mëdha. Kështu ndodhi edhe sot kur Egnatia mposhti të kuqtë me një fitore të pastër 3-0 që gëzon trajnerin.
“Sigurisht ne kemi kaluar një moment të vështirë, dy ndeshje të vështira me skuadra që kanë investuar shumë. Por sot sidomos Partizani që është një skuadër në vendin e parë me organikë të jashtëzakonshme, e kjo më shton kënaqësinë që skuadra m’u përgjigj në të gjithë aspektet.
Përderisa e thashë nuk i referohem ndeshjeve ku nuk kam qenë, i referohem ndeshjeve që kur kam ardhur. Dihen objektivat e Egnatias, unë nuk kam ardhur për të qëndruar në mbijetesa nuk e merrja fare këtë detyrë. E rëndësishme është që kampionati është i gjatë, kemi arritur shumë rezultate të mira.,
Cdo gjë më pëlqen, skuadra është përgjigjur totalisht, kemi eliminuar dy pikat kryesore të kundërshtarëve. Hotin që luan mes dy linjave dhe e eliminoi plotësisht Mëllugja, por edhe Skuka duke bërë një superndeshje Atanda me dublimin e Malotës. Pastaj treshja e mesfushës luajti shkëlqyeshëm. Mos harroni mungesat e Partizanit por ne nuk kemi pasur Hamzat, Xhekson dhe Delarzh, e kuptoni çfarë kishim jashtë! I kam thënë që jemi skuadër, jo individë dhe e shprehën, se me gjithë këto mungesa arritën një fitore të mirë.
Unë asnjëherë nuk marr skuadër pa pretendime, pa një organikë për një objektiv strategjik për të ardhmen. Kam thënë që janë 2-3 mungesa nëpër krahë, jo që nuk ka harxhuar presidenti. Kemi pasur pasiguri në 10 minutat e parë se është normale se është presioni i ndeshjes, pastaj nuk mbaj mend që Partizani të ketë pasur raste. Skuadra e interpretoi mirë, nuk i la hapësira kundërshtarit, shënuam 3 dhe kishte momente që mund të thellonim rezultatin. Jam i kënaqur se si në Kukës, edhe tani, bënë detyrat maksimale siç i kam thënë.
Zejnullai, Fernando dhe Mëllugja kanë luajtur shumë mirë por edhe qendra e mbrojtjes dhe krahët. Mos të them që pastaj Camaj është një lojtar që në dy ndeshjet ka bërë repartin duke i dhënë frymëmarrjen skuadrës në topin e parë, duke i krijuar probleme mbrojtësve kundërshtarë.
Që kur kam ikur nga Partizanit, në gjithë skuadrat që kam drejtuar, bilanci mund të jetë 90% me 10% me të gjithë këto skuadrat që kam drejtuar”, tha për “Oversport” Duro.
